18/12/2018

 

Ադամորդիք մեկը մյուսի մասնիկներն են համարվում, Ստեղծված են բոլորը մեկ նախանյութից աշխարհում, Եթե մարմնի մի անդամը հիվանդանա դիպվածով, Այլ մասերը չեն ունենա առողջ վիճակ ապահով. Եթե լինես ուրիշների տանջանքներին անտարբեր, Ճիշտ չի լինի, եթե կրես մարդ անունը պատվաբեր։ (Սաադի)
Բովանդակություն
Clock
News > Էյդե ղադիր


  տպագրել        ուղարկել ընկերոջը

Էյդե ղադիր


Ղադիր տոնը շիական մուսուլմանական տոն է, որով նշվում է Մուհամմադ մարգարեի փոխանորդ Ալի Աբու Թալեբի ՝ իմամության աստիճանին հասնելը:
Տոնն այդպես է անվանվել Ղադիր Խում տեղավայրի անվանումից: Ղադիր Խումը գտնվում է Խում ջրհորի մոտ՝ Մեքքայի և Մեդինայի միջև, դեռ նախաիսլամական ժամանակներից ջրի ու ծառերի առկայութունը այդ վայրը վերածել էին բնական հանգստավայրի Մեքքայի և Մեդինայի միջև ճամփորդողների համար: Ըստ շիական հավատալիքի՝ Մուհամմադ մարգարեն այնտեղ իր վերջին՝ հրաժեշտի հաջից հետո հատուկ հադիսով Ալիին իր փոխանորդն է հայտարարել: Այս դեպքի մասին հադիսը հիշատակվում է տարբեր ՝ այդ թվում և սուննիների համար հեղինակավոր աղբյուրներում: Համաձայն շիաների՝ Մաեդե սուրահի երրորդ այաթը այդ օրն է արտաբերվել: 
Պատմվում է, որ հաջից հետո Մուհամմադ մարգարեն արագորեն շարժվել է դեպի Ղադիր Խում և այնտեղ հավատացյալների հավաքի հրաման արձակել: Այս հավաքի առջև նա Ալլահի ներշնչանքով ասել է.
«Ով մարդիկ, գիտցեք, որ Տեր աստվածը Ալիին իր վալին՝ տեղապահը և Ձեր իմամն է նշանակել և նրան հնազանդվելը անհրաժեշտ է մոհաջեdների, անսարների և նրանց բոլոր հետևորդների համար՝ քաղաքներում ու գյուղերում, արաբների և օտարականների, ազատների ու տիրակալների, մեծերի ու փոքրերի, սպիտակների ու սևերի համար»: 
Ղադիրի տոնը մուսուլմանները նշում են մզկիթներում և այլ կրոնական վայրերում և այն համարվում է ամենակարևոր շիական տոներից մեկը: 


10:53 - 29/08/2018    /    համար : 711583    /    ցուցադրության քանակը : 21