17/07/2018

 

Շնորհակալություն hy.yerevan.icro.ir կայք այցելելու համար
Բովանդակություն
Clock
News > ԻԻՀ մշակույթի խորհրդականը հանդիպեց Կոմիտասի անվան կոնսերվատորիայի տնօրենին


  տպագրել        ուղարկել ընկերոջը

ԻԻՀ մշակույթի խորհրդականը հանդիպեց Կոմիտասի անվան կոնսերվատորիայի տնօրենին

 

 մշակույթի խորհրդական պարոն Հեյդարին մշակութային գծով փորձագետ պարոն Սոբհանու ուղեկցությամբ այցելեց Երևանում Կոմիտասի անվան կոնսերվատորիա: Այցի ընթացքում պարոն Հեյդարին  հանդիպեց կոնսերվատորիայի տնօրեն պարոն Շահին Շահինյանին և վերջինիս տեղակալ պարոն Ավանեսյանին: Հանդիպման ժամանակ պարոն Շահինյանը ողջունեց նորանշանակ մշակույթի խորհրդականին և նրան բեղմնավոր աշխատանք մաղթեց Հայաստանում:

        Կոնսերվատորիայի տնօրենը անդրադարձավ երաժշտության բնագավառում հայ-իրանական համագործակցությանը և նշեց, որ այդ ասպարեզում ճիշտ ծրագրավորման դեպքում  հնարավոր է մշակութային համագործակցության լայն եզրեր գտնել: Պարոն Շահինյանը նաև հիշատակեց Իրանում հայերի ունեցած անվտանգ և արդյունավետ կենսագործունեության մասին՝ շեշտելով, որ Իրանը միակ երկիրն է, որտեղ հայ համայնքը դարեր շարունակ աճելու և առաջընթացի հնարավորություններ է ունեցել և հատուկ հարգանքի արժանացել: Կոնսերվատորիայի տնօրենըի հույս հայտնեց, որ  երաժշտական խմբերի փոխադարձ այցելությունների կազմակերպմամբ հնարավոր կլինի ընդլայնել երաժշտության բնագավառում երկու երկրների համագործակցությունը:

       Ի պատասխան  մշակույթի խորհրդական պարոն Հեյդարին իր ուրախությունը հայտնեց պարոն Շահինյանին տեսնելու առթիվ և նշեց, որ իրանցի շատ ուսանողներ երաժշտություն ուսանելու համար ընտրում են Հայաստանը՝ բարձր կրթական որակի և Իրանին մոտ գտնվելու պատճառով: Պարոն Հեյդարին խոստացավ համապատասխան միջոցներ ձեռնարկել երաժշտական խմբերի  փոխայցեր կազմակերպելու համար:

 

 

 

 


15:05 - 25/12/2017    /    համար : 694570    /    ցուցադրության քանակը : 56